Si ta ulësh komisionin e Booking.com dhe të marrësh rezervime direkte

Komisioni i Booking.com në Evropë zakonisht është rreth 15%, por shpesh shkon në 18-22% kur i shton programet 'Preferred Partner', Genius dhe pozicionimin më lart në kërkim. Expedia dhe Airbnb kanë strukturat e veta, por logjika është e njëjtë: sa më shumë vizibilitet, aq më shumë përqindje.

Numri që të lëndon nuk është një rezervim, por shuma e gjithë vitit. Nëse 70% e netëve të vijnë nga OTA-të, atëherë rreth një e shtata e të ardhurave nga ato netë largohet si komision para se ti të paguash rrogat, mëngjesin apo pastrimin. Qëllimi nuk është zero OTA, por ta zhvendosësh një pjesë të mirë te kanali yt direkt ku marzhi mbetet brenda.

Shumica e kontratave me OTA kanë 'rate parity', që do të thotë se nuk lejohesh ta shfaqësh publikisht një çmim më të ulët në faqen tënde se ai në Booking. Pra nuk mund të luftosh thjesht me çmim publik më të lirë.

Por ka hapësirë e ligjshme: çmime për anëtarë ose çmime të fshehura pas login-it, përfitime që nuk numërohen si çmim (mëngjes falas, check-out i vonuar, upgrade dhome, transfer nga aeroporti), dhe oferta direkte në email a WhatsApp. Kështu rezervimi direkt bëhet më tërheqës pa e thyer kontratën. Booking engine-i që ndërtoj e mbështet çmimin për anëtarë dhe paketat me përfitime.

Pa një vend ku mysafiri të rezervojë direkt me konfirmim të menjëhershëm, çdo trafik shkon dëm. Booking engine do të thotë: disponueshmëri në kohë reale, çmime për datë, rezervim në pak hapa dhe konfirmim automatik, jo një formë 'na shkruani dhe ju kthehemi'.

Mënyra e duhur është ta lidhësh këtë me të njëjtin kalendar që ushqen OTA-të, përmes një channel manager, që të mos rrezikosh dy rezervime për të njëjtën dhomë. Për bazat e këtij sistemi, shih udhëzuesin tonë për faqe hoteli me rezervime.

Tabela më poshtë e tregon ndryshimin jo te çmimi i dhomës, por te ajo që mbetet te ti dhe te kush i zotëron mysafirët.

Kur mysafiri vjen nga Booking, platforma ta jep një email të maskuar dhe komunikimi ndalon pas check-out. Kur vjen direkt, e ke emailin dhe numrin e tij të vërtetë. Kjo është pasuria më e madhe.

Në Kosovë WhatsApp është kanali ku mysafiri vërtet të përgjigjet: konfirmim rezervimi, udhëzime për mbërritje, ofertë për herën tjetër. Ndërtoj rrjedha ku numri kapet gjatë rezervimit direkt dhe lidhet me një li, që ekipi yt të mund të shkruajë me një klik.

Një arsye pse hotelet i besojnë OTA-së është siguria e pagesës. Të njëjtën gjë e arrin edhe direkt: kërko një depozitë ose paradhënie në momentin e rezervimit. Kjo i bën rezervimet direkte më serioze dhe i ul no-show-t.

Për pjesën e pagesave online dhe çfarë funksionon realisht në Kosovë, shih udhëzuesin tonë për pagesat online. Booking engine-i mund ta kërkojë depozitën automatikisht në çastin e rezervimit.

Mysafiri më i lirë është ai që ke pasur tashmë. Pasi e ke email-in dhe numrin, mund t'i kthesh: 'rezervo direkt herën tjetër dhe merr mëngjesin falas'. Asnjë komision, asnjë ndërmjetës.

Një listë e thjeshtë emailesh plus mesazhe WhatsApp në sezon i kthen mysafirët larg OTA-së herën e dytë. Kjo është pjesa ku komisioni bie vit pas viti, jo brenda një jave.

Mos i fik OTA-të. Ato mbeten dyqani ku të zbulojnë. Strategjia është ta ndërtosh paralelisht kanalin direkt dhe ta bësh më tërheqës.

• Muaji 1: faqe e re me booking engine dhe disponueshmëri reale, e lidhur me channel manager.
• Muaji 2: çmim për anëtarë, paketa me përfitime dhe depozitë automatike kundër no-show.
• Muaji 3: kapja e email-it dhe numrit, rrjedhat në WhatsApp dhe oferta për mysafirët që kthehen.